4/2/08

اضراب 6 ابريل ... حدوتة مصرية

4/1/08

الاضراب الشعبى ونزل من البيت

الدعوة لكل واحد على قد شجاعته

فيه تظاهرات و فيه تجمع تحت البيوت و اضعف الايمان تعتصم فى الحمام

بس انت تشارك باللى تقدر علية يا مواطن
مع انى مش عارف مين الـ اطلق مسمى خليك فى البيت إيه الشعب اللي بيتعولق ده
كل الخوازيق دي وكل اللي هنعمله : ( خليك بالبيت )
ما معظم الناس في البيت يا سيدي وبيقضوا وقتهم في ممارسة العادة السرية والتنقل ما بين قنوات الكليبات
خليك بالبيت .. إنجاز وثورة غير مسبوقة !
هيكون فى تغطية شاملة على موقع مدونين ابناء مصر من اكتر من محافظة عن الاضراب إن شاء الله
وخليك فى البيت :D

3/1/08

غداً : النقض فى قضية عماد الكبير

بكرا فى محكمة النقض بدار القضاء العالى النظر فى نقض قضية تعذيب عماد الكبير على يد الحيوان الضابط اسلام نبيه
ياريت يا شباب يكون فى تواجد بكرا لان كتير من الناس نسيت القضية
كليب تعذيب عماد على اليوتيوب
http://www.youtube. com/watch? v=4iez20eP- ic
وتفريغ شريط الكليب على لينك مدونة نوارة اتفضل
http://tahyyes.blogspot.com/2008/02/blog-post_5872.html
-------------------
وياريت نفرح بعماد ونشوف فى عيونة الفرحة مرة تانى
http://7ntklm.blogspot.com/2007/11/blog-post_07.html

12/29/07

كــااااااارثـــة


كاارثة حقيقية فعلاً أن ينتصر دائماً الإرهابيين! و في أكثر من مناسبة متتالية... و تكون النتيجة دائماً حرب أهلية حقيقية .

الوضع في باكستان سيصبح جحيم.. بل و أكثر
لنأمل إذن ألا تحدث حرب أهلية، فالمرأة كانت تتمتع بشعبية كبيرة لا يمكن إنكارها..

إذا كان والدها قد أعدم فلها أن تتوقع مصيرا مماثلا.. سجنت ونفيت وناضلت.. لم يطولوا حتى أن يتوصلوا لاعدامها فقتلوها غدرا
..

12/20/07

يرون النساء بهائم

أمر ملكي بإسقاط عقوبة الجلد والسجن بحق فتاة القطيف

العاهل السعودي:الخطأ بالعفو عن"فتاة القطيف"خير من الخطأ بالعقوبة


الظلم الذي تعرضت له الفتاه سببه "نظام" ام "جور قاض" معين ، ام انها حالة مخصوصه؟

الفهمته مما تناثر بوسائل الاعلام ان اي بنت كانت لتجلد للخلوة وحتي بعد ان تم اغتصابها 14 مرة وهذا ظلم.. ظلم نظام وشريعه وليس ظلما فرديا وحالة فردية شاذة

ومع متابعة الحدث تدخل الرئيس الأمريكي و أعضاء الكونجرس مثل المرشحة الرئاسية هيلاري كلينتون و غيرها 60 سناتور ، و لولا الإعلام الغربي و لجان حقوق الإنسان ما اهتم ملك السعودية ولا غيره في بلد طيور الظلام

، يبقى ان نسأل وماذا عن الصيدلي المصري الذي أعدم للسحر !، وماذا عن غيره من الأبرياء الذين غيبهم الجور في مملكة الظلام.؟
و المستفاد هو ان نعيش لنري الملك السعودي علي مستواه.. يشخ علي نفسه مع الضغط الدولي

12/14/07

أهالي كفر العلو يعلنون ثورتهم

من مخيم لاجئين كفر العلو - مصر

نحن أهالي كفر العلو
المطرودين من أراضينا و المقهورين من قبل حُكامِي بلادنا
نسكن العراء لأكثر من ستين يوماُ
نعلن أنه قد فاض بنا الكَيل
صَبرنا حتى نَفذ الصَبر
لم ترحمنا أرض هذه البلاد و من عليها من برد الشتاء القارِص نحن و أولادنا
أطفال يَبِيتُون ليلهم في هذا الشتاء القارِص في عشَش لا يَسكُنها الحيوانات الضَاله
و بناءً عليه فقد قررنا ان نُطالب بحقنا بأنفُسِنا لن نوكِّل عنَّا أحد
سنذهب إلى مكتب السيد مُحَافِظ القاهره يَوم الاحد الموافق 16-12-2007 الساعه الثانية عشر ظهرا
لنُطَالِب بحل سريع لما نحن فيه على مدار السين يوم المنقضيون في عذاب البرد و المهَانه
و إن لم يَجِد لنا حل و يُعَوِضنا عن أراضينا التي نُهِبَت , فسوف نعتصم أمام مكتب المُحََافظ حتى يجد لنا حل
نُطَالِب بحقُوقنا بكُل الاسَاليب الشَرعيَّه و نَعلم أن الاعتصام و الَتَظاهُر هو حق لنا
و لن نهدر هذا الحق أبداً

11/19/07

دعوة لدعم






دعوة لمساعدة اللاجئين المصريين في كفر العلو




اه...اهالي كفر العلو اصبحوا زي اللاجئين السودانيين بالظبط






يعيشون تقريبا في نفس الظروف الغير ادمية






الا ان السودانيين كانوا يستوطنون احد الميادين الراقية بالقاهرة





والعالم كله شايفهم...و المفوضية الخاصة باللاجئين تحميهم و تدعمهم






لكن اللاجئين المصريين في حلوان...يا عيني حالهم زي حال كل المصريين






لا ليهم ضهر يحميهم...ولا دولة اجنبية تسهر عليهم






والإسم عايشين في بلدهم






سكان كفر العلو عشان الي مش عارف...للأسف الشديد




الحكومة خدت اراضيهم و هدت عليهم بيوتهم و تركتهم في العراء



وعدتهم بتعويضات ما شافوش منها حاجة





الناس دي في الشارع من رمضان الماضي




ابناء مصر صورت هناك و عملت فيديو سمته في العراء فيه شرح لحالتهم




الي عايز يعرف تفاصيل الموضوع التفاصيل هنا




دلوقتي يا شباب مصر....احنا مالناش الا بعض




لا الحكومة هتشفع ولا هتنفع




وكلنا معرضين في اي لحظة ان بيوتنا تتهد على نافوخنا





ولا حد هيحوش عنا ولا حد هينصفنا






مش هينصفنا غير وقفتنا جنب بعض....نقف بجد بدعم حقيقي









مش بوقفات احتجاجية لا هتودي ولا هتجيب






الناس الي في حلوان الي هما اهالينا و ناسنا




قعدين في الشارع في عز البرد محتاجين بطاطين تحميهم و عيالهم من البرد





محتاجين لبس شتوي بدل الهدوم الي اتبهدلت تحت الأنقاض






محتاجين اكل لإنهم بياكلو الكفاف







محتاجين رعاية طبية خاصة للأطفال...






محتاجين ادوية و علاج...محتاجين ما يحتاجة اي لاجئ من اللاجئين في اي مكان






كمان محتاجين خيم لإنهم قاعدين في مكان على مجرى سيل






بيخرج عليهم افاعي وتعابين و حشرات و ذئاب





و حياتهم و حياة عيالهم طول الوقت مهددة بالموت






ما يقتل كمدا و غيظا...اننا بنشحت على ناس المفروض انهم مليونيرات





يعني الناس دي..ارضهم تسوى ملايين...الحكومة خدتها منهم بألفين و خمسمية جنيه



و بعدين اكتشفت انهم بنيين بيوتهم على الأرض الزراعية






فطلعت عليهم احكام و غرامات بعشرة الاف جنية و كام سنة سجن




فالناس في يوم وليلة بقى عندهم موت وخراب ديار





مع ان الحكومة بجلالة قدرها هتاخد الأرض و تبني عليها محطة مية





و كمان وراء مصنع اسمنت....






احنا محتاجين دعم كامل للناس دي





عشان ما تبقاش قلعة الكبش الجديدة






الناس دي محدش سائل فيهم










مالهومش غيرنا...و لو اديناهم ضهرنا دلوقتي







بكرة هيجي علينا الدور...., يكتشفوا ان بيوتنا تحتها مقبرة فرعونية









ولا صندوق الزبالة الي قدام العمارة بيطلع صراصير فهنهد العمارة





ولا اي حاجة..., نبقى شعب كله من اللاجئين





الي يقدر يتبرع بأي حاجة للناس دي...يبعتلي على الميل و انا هوصلهم بنفسي

sokoothansawat@gmail.com





و الي يحب يجي يشوف بنفسة المأساة...






ويتصل بيا برضة وهنخليه يتفرج بي و على رأي نتانا سينما


مش هيقدر يغمض عينيه





الي بقى يقدر يوصل المشكلة لأي محامي يتولاها



فعندنا صور من كل الأوراق الخاصة بالمشكلة






من عقود مية لنور لعقود صورية ببيع و تنازل




والي يقدر يجيب دعم مادي من جمعيات خيرية...يا ريت







احنا محتاجين كل الدعم واي دعم

مها /مدونة سكوت هنصوت