11/19/07

دعوة لدعم






دعوة لمساعدة اللاجئين المصريين في كفر العلو




اه...اهالي كفر العلو اصبحوا زي اللاجئين السودانيين بالظبط






يعيشون تقريبا في نفس الظروف الغير ادمية






الا ان السودانيين كانوا يستوطنون احد الميادين الراقية بالقاهرة





والعالم كله شايفهم...و المفوضية الخاصة باللاجئين تحميهم و تدعمهم






لكن اللاجئين المصريين في حلوان...يا عيني حالهم زي حال كل المصريين






لا ليهم ضهر يحميهم...ولا دولة اجنبية تسهر عليهم






والإسم عايشين في بلدهم






سكان كفر العلو عشان الي مش عارف...للأسف الشديد




الحكومة خدت اراضيهم و هدت عليهم بيوتهم و تركتهم في العراء



وعدتهم بتعويضات ما شافوش منها حاجة





الناس دي في الشارع من رمضان الماضي




ابناء مصر صورت هناك و عملت فيديو سمته في العراء فيه شرح لحالتهم




الي عايز يعرف تفاصيل الموضوع التفاصيل هنا




دلوقتي يا شباب مصر....احنا مالناش الا بعض




لا الحكومة هتشفع ولا هتنفع




وكلنا معرضين في اي لحظة ان بيوتنا تتهد على نافوخنا





ولا حد هيحوش عنا ولا حد هينصفنا






مش هينصفنا غير وقفتنا جنب بعض....نقف بجد بدعم حقيقي









مش بوقفات احتجاجية لا هتودي ولا هتجيب






الناس الي في حلوان الي هما اهالينا و ناسنا




قعدين في الشارع في عز البرد محتاجين بطاطين تحميهم و عيالهم من البرد





محتاجين لبس شتوي بدل الهدوم الي اتبهدلت تحت الأنقاض






محتاجين اكل لإنهم بياكلو الكفاف







محتاجين رعاية طبية خاصة للأطفال...






محتاجين ادوية و علاج...محتاجين ما يحتاجة اي لاجئ من اللاجئين في اي مكان






كمان محتاجين خيم لإنهم قاعدين في مكان على مجرى سيل






بيخرج عليهم افاعي وتعابين و حشرات و ذئاب





و حياتهم و حياة عيالهم طول الوقت مهددة بالموت






ما يقتل كمدا و غيظا...اننا بنشحت على ناس المفروض انهم مليونيرات





يعني الناس دي..ارضهم تسوى ملايين...الحكومة خدتها منهم بألفين و خمسمية جنيه



و بعدين اكتشفت انهم بنيين بيوتهم على الأرض الزراعية






فطلعت عليهم احكام و غرامات بعشرة الاف جنية و كام سنة سجن




فالناس في يوم وليلة بقى عندهم موت وخراب ديار





مع ان الحكومة بجلالة قدرها هتاخد الأرض و تبني عليها محطة مية





و كمان وراء مصنع اسمنت....






احنا محتاجين دعم كامل للناس دي





عشان ما تبقاش قلعة الكبش الجديدة






الناس دي محدش سائل فيهم










مالهومش غيرنا...و لو اديناهم ضهرنا دلوقتي







بكرة هيجي علينا الدور...., يكتشفوا ان بيوتنا تحتها مقبرة فرعونية









ولا صندوق الزبالة الي قدام العمارة بيطلع صراصير فهنهد العمارة





ولا اي حاجة..., نبقى شعب كله من اللاجئين





الي يقدر يتبرع بأي حاجة للناس دي...يبعتلي على الميل و انا هوصلهم بنفسي

sokoothansawat@gmail.com





و الي يحب يجي يشوف بنفسة المأساة...






ويتصل بيا برضة وهنخليه يتفرج بي و على رأي نتانا سينما


مش هيقدر يغمض عينيه





الي بقى يقدر يوصل المشكلة لأي محامي يتولاها



فعندنا صور من كل الأوراق الخاصة بالمشكلة






من عقود مية لنور لعقود صورية ببيع و تنازل




والي يقدر يجيب دعم مادي من جمعيات خيرية...يا ريت







احنا محتاجين كل الدعم واي دعم

مها /مدونة سكوت هنصوت

11/16/07

اختطاف احمد الجيزاوى



احمد الجيزاوى تم القبض عليه أثناء الوقفة الاحتجاجية أمام قسم العمرانية عندما قام بمنع أفراد الأمن الاعتداء على الزميلة والمدونة إيناس حسنى ولم يتم تحديد مكان احتجاز احمد الجيزاوى حتى ألان ونفى مسئول قسم العمرانية تواجده بالقسم
أطلقوا صراح احمد الجيزاوى

عن حدث اعتقال احمد الجيزاوى بالوقفة الاحتجاجية ضد التعذيب

11/11/07

الافتاء في خدمة الحكومة والشرطة

اعرف مقولة تقول :
(( الديكتاتور يفسد الماضى والحاضر والمستقبل .. يفسد الماضى بتزوير التاريخ .. ويفسد الحاضر بأفعاله .. ويفسد المستقبل بما يبذره من فتن ومشاكل شائكة يستعصى حلها ))

وسأضيف انا (( ويفسد الدين باستعماله كأداة للذبح ))


ولكن للحق كلام المفتى لا ينطبق على الضحية رضا لأنه لم يستعمل الدين للذبح بل استعمله بعدما ذبحها فهو استعمل الديكتاتورية للذبح ثم استعمل الفتوى لسلخ الضحية

والفتوى قديمة وخرجت للنور اليوم لحكمة يعلمها سبحانه الجالس بكرسى

أتعرفون الفقهاء يقلدون الحاوى او الساحر فهو يفتى بقتلك دون ان يقولها صراحة

ولا تخرج فتوى شيخ الأزهر الخاصة بالصحفيين او على جمعة الخاصة بالشباب الغرقى او دار الإفتاء فى هذه الكارثه عن هذا السياق مع ملاحظة ان الفتوتين الأخيرتين اوليتا عناية خاصة للموتى الذين غادروا هذه البلد

اسئلة لفضيلة المفتى

أمـن الفتـوي

الفتوى بخمسة جنية...والحســـّابة بتحسب

11/7/07

وانتصر عماد الكبير

اتاخرت عليك يا عماد فى الكتابة عنك وعن فرحتك ونتصارك اعذرنى
مبروك عماد
مبروك لنا جميعا
فتلك النهايه بريق امل وشعاع نور في بلادنا المظلمه
قد يساعد الكثيرين علي صمود و المطالبه بحقوقهم المهدوره
ويقلل من سطوة رجال الامن الغاشمه ويكون رادع لهم
فعماد الان في رايي بطل شعبي يستحق كل التقدير علي صمود
والسؤال المؤلم : كم من المصريين الذين حدث لهم هذا او ما يشابهه استخدمهم ( الظروف ) بضابط متخلف يصور نفسه او بكاميرا محمول او بضابط يوزع البلوتوث بنفسه او يكون بنفس اصرار عماد وقوته النفسية واصراره ؟؟
أعتقد ان الإجابة : لا احد !!
إذا ....... لن يدان أحد !!!!
لا اريد ان افسد فرحتى بالحكم ولكن لابد من القول بأن هناك العشرات بل المئات حدث لهم ما حدث لعماد

اتترككم مع اجمل فرحة انسان
رايتها بحياتى

الفيديو من موقع ابناء مصر شرفنى العمل مع هذا الفريق المبدع
وشرفنى التواجد مع جميع المدونين يوم المحاكمة احساس اخوى وملحمة سعادة بنصر عماد الكبير





11/1/07

فى العراء


دموع وآهات ... هي حصيلة ما عدنا به من قرية كفر العلو ... ذهبنا إليها لنخرج بفيلم وثائقي عما يحدث هناك ... لكننا لم نعد من هناك بمجرد فيلم ... بل عدنا بذكريات مريرة وقلوب يملؤها الأسى ... رأينا مالم نكن نتخيله ... عائلات بأكملها تعيش في العراء ... أطفال ونساء وشيوخ ... أما الرجال فقد كانوا في المعتقلات والأقسام ... شاهدنا بعيوننا وطنأ يحتضر هناك ... لمسنا كيف كانت بداية غياب الإنتماء !!! هناك حيث يرتع الفساد وتهوي تحت أقدامه هامات الرجال ... منظومة قهر وظلم متلازمتان
... لكننا عاهدنا أنفسنا ... أننا لن نتركهم بمفردهم ... فمهما كان ... هم ما زالوا أبناء وطننا ... حتى وإن تخلى عنهم الوطن

نترككم لتشاهدوا الفيلم الوثائقي ... لتحفروا بذاكرتكم مشاهداً لن تنسوها ... إلا بزوال الطغيان ... من تلك البلاد

لمشاهدة الفيلم بالكامل على ابناء مصر

في العراء

لينكات ذات صلة بالموضوع

خاص :ضحايا ومأساة (كفر العلو) مأساة وطن لم يُعد يرحم

خاص:لقاء مع ضحية اعتداء الشرطة على مواطن بكفر العلو

إنفراد جديد: أبناء مصر تحصل على وثائق تؤكد ملكية أهالي كفر العلو للأرض