4/1/07

اطلب اقتراحكم لنتعاون سوياً

فى تعليق سابق عرضت عليكم إقتراح لكى يتم التوافق فيما بيننا على نشاط محدد للقيام به حتى نستطيع مواجهة الاحداث المقبلة والفساد الحالي و السلبيات التى تتربص بنا
لذا أطالب كل من يتصفح هذه التدوينة أن يدرك أن العمل الاساسى الذى يقوم به
سواء كان مدون أو متصفح أو مواطن عادى عليهم جميهاً واجبات ضرورية من أجل اﻹصلاح
طالما أنكم تنادون وتحلمون بالحرية وسحق اﻷفكار الديكتاتورية واﻷسليب البوليسية الرجعية
أرجو أن يتفهم كل فرد فينا بأنه إنسان بشرى له حقوق و واجبات ولكى يأخذ حقوقه عليه ان يسعى وراء حقوقه
ومن لا يرغب فى ذالك ويدرك ان مراحل الواجبات صعبة وتحتاج الى جهد ليس هو على استعداد للمشاركة
فعليه بعدم مطالبتة بحقوق لان الحرية ليست مجانية
اطالب الزملاء بقتراح افكار او عمل محدد لنتوحد عليه ويتم مناقشتة فيما بيننا
وان نقوم بالتفاعل الايجابى فى المراحل المقبلة علينا كا شباب تدونى يساهم بالتوعية والنقاش والاسهام بالراى
يجب ان نساهم اكثر بما اننا شباب متواضعين مثقفين في توعية الشعب بحقوق و واجبات
بدلاً من اكتفائنا بالقول ان الشعب امى لا يستطيع ان يأخذ قراره وحده
لماذا لا نقوم بمارسلة الاحزاب عبر بريدهم الالكترونى و نحاول عرض افكار الاصلاح ونعرض افكرنا المتوضعة عليه
فاقد الشئ لا يعطيه
اذا كان الحزب غير قادر على اصلاح نفسه .. كيف يستطيع ان يصلح دوله ؟؟؟
يا اخوانى الحريه لم تكن ابداً مجانيه .. اذا كنا ننتظر حريه مجانيه فلن نجد اى حرية خصوصاً
بعد حادثة تعديل الدستور
اتمنى قبول اقتراحتى البسيطة عليكم
توضيح : ليس من اهتمامتى انتظار الكومنت واى كانت عدد الكومنت بالبوست
مرة تانى يا شباب العنده رغبة فى الاقتراح يتفضل على اساس ان فى استطاعتة المشاركة ومش منتظر 5 تعليقات ولا تسعة ولا 50 ولا تعليق واحد , وبقترح ايضاً ان تتم المناقشة لو وجدت اقتراحات( جادة ) من الزملاء على روم شات فى الياهو كا مثال ولو فى اختلاف على مكان المناقشة انا معاكم فى اى مكان تخترو بس نقترح ونتفق بسسس . فما قيمة وجود الاقتراحات ودون وجود مجال لمناقشتها لتطبيقها واستعمالها؟
اتمنى من الزميل او الزميلة اذا اضاف يضيف اقتراح ايجابى فقط
, واذا لم تواجدت افكار او اقتراحات فعذورنى ,
فلم استطيع التواجد فيما بينكم
لان معنديش استعداد احس ان المدونة مفتوحة من اجل التنفيس والصراخ على الكى بورد
اتمنى منكم ادراك ما يدور بفكرى المتواضع ورغبتى فى صناعة امل وانتم تشتركة فى صناعتة
بما اننا جيل تحيط به العديد والعديد من تصنيف الفساد والمشاكل .
فى انتظاركم
تم الاتفاق على معاد القاء فى تمام الساعة التاسعة
الجمعة بتاريخ 6-4

31 Comments:

bentfalestine said...

فكره رائعه بجد احييك عليها و ياريت اقدر اساعد و اكون معكم بالتوفيق و حماك الله

7ntklm said...

bentfalestine



اشكرك على تواجدك


وتقبلك للفكرةالمتواضعة


و وجودك مشرف

بتأكيد

فى انتظار من يريد عرض اقتراحتة والمشاركة

-_- said...

فكرة حلوة طبعا

أمــانــى said...

طبعا فكرة ممـــتازة وانا عندى اقتراح هو اقتراح صغير اننا مكن نلقى الضوء على الاماكن الفقيرة واللى ماحدش فاكرهم خالص ونحاول نساعدهم بالتوعية و بمعونات مادية ومعنوية على اد ما نقدر

اصل الواحد فعلا تعب من التنفيس على الفاضى واخر ما معانا اننا نبكى على قدام جهاز الكمبيوتر اللى حياتنا هتخلص قدامه بس
ربنا يكرمك وانا معاك فى اى حاجة هقترحه علينا طبعا على قدر الاستطاعة

Rania Lelah said...

معا يدا فى يد من اجل الاصلاح
ومن اجل بث روح الايجابية فى روح الشعب

7ntklm said...

امانى نورتى الموضوع بقتراحك

اقتراح هايل

عقبال باقى الزملاء

يشركونا بقتراحتهم

بحيث نقدر نناقش ونستنتج الواجبات

المفروضة علينا .

دلوقتى مش هقول منتظر بشكل فردى لكن كلامى المرة دى هيتغير ,


انا وامانى وندى بنت فلسطين فى انتظاركم .

منستكش يا شارم بس انت ابدات اعجابك بالفكرة بدون اقتراح عمتاً منتظرينك برضه

7ntklm said...

رانيا اشكرك على تواجدك ومرورك

ومنتظرين اقتراحك

Iman said...

موضوعك حلو اوى....وفكرتك كمان جيده
احنا فعلا محتاجيين بثقافتنا البسيطه الشبابيه اننا نوعى الناس اللى غايبه عن الوعى العام...الناس اللى محسوبه على الدوله فى التعداد بس معندهاش اى فكره عن حقوقها او واجبتها
مش عيب ان اهالينا كانوا على اد حالهم وتفكيرهم سطحى الى حد ما ومش عيب ان احنا اللى نقود الناس دى لمستوى وعى اكبر وارقى
احنا محتاجيين نتفاعل مع جميع الطبقات وشرايح المجتمع ...مش بس انا وانت وكل اللى زينا على صفحات النت والمدونات
محتاجيين نوصل للناس اللى حى متعرفش يعنى ايه انتلانت ولا عمرها اتعاملت معاه...ونحاول نفهمه ونشاركهم كل اللى بيحيط بينا من فساد وابتزاز

انا بجد بقترح اننا نعمل زى جمعيه او حزب صغير ويكون ليه فروع فى كل المحافظات ويتولى مسئوليته المدونيين فى كل محافظه....ونشاط الجمعيات الصغيره دى اننا نروح لحد الناس ونقعد معاهم ونفهمهم...
يعنى فكره بسيطه لو تنفع

Iman said...

وعلى فكره
اى اتفاق حترسوا عليه او اى فكره حبين تنفذوها ...انا معاكوا بكل اللى اقدر اقدمه ومش حتأخر ابدا عن المشاركه الجديه والفعاله
بس بجد ناخد الموضوع على محمل الجد

7ntklm said...

اهلا بيكى ايمان


اقتراحتك فعلاً قريبة من البفكر فيه

وإكيد هنتناقش فى اقتراحتكم البتصف حمسكم


اكيد فى امل يا شباب

واكيد اى اتفاق هنوصل ليه انتم التخططة ليه طريقة وتنفيذة وانا معاكم بتأكيد

بجد بدات احس بـ امل وبدات احس بحماس من تانى


وقتراحتكم هى اساس الدافع الحاسس به

فى انتظار اقتراحت الشباب المدرك والواعى بالواقع

kaed said...

العزيز حنتكلم
الأقتراح هايل و فعلا الحرية لها ثمن
بس إزاى حنوصل للناس بأفكارنا و مقترحتنا

halwasa-masrya said...

ربنا يوفقكم .. الدال على الخير كفاعله

انا عندى اقتراحين

اول واحد :: الهدوم القديمة بتاعتنا او الللى موضتها راحت .. نجمعها ونغسلها ونظبطها ونديها للى محتاجهت

تانى واحد :: فى جوا عائلائتنا دكاترة .. ليه منوجهمش الى مناطق معدومة وهما كمان بيكون عندهم عينات ادوية ممكن يساعدو بيها .. كمان ولاد البوابين والناس الغلابة اللى حوالينا ليه ما نذاكرلهمش ونغير كمان من سلوكياتهم

بص هى افكار احنا بنعملها فى الجمعية اللى متطوعة فيها بس بتنفيذ على نطاق اكبر وانا حابة اشترك معاكم

سكوت هنصوت said...

هنتكلم..انت قلت بالظبط الي انا عايزة اقولة..انا طبعا عندي اقتراحات...اولا..لازم نرسم خطة منظمة عن خطواط الإصلاح..بمعنى تحديد الأولويات وبالتالي ايجاد فعاليات...يعني لو هدفنا توعية الشعب يبقى ننظم حملة واسعة الإنتشار بسيطة في مضمونها وافكارها عن مثلا محو الأمية او التوعية السياسية بدون political affiliations انا مش عارفة ترجمتها بس اعتقد..توجيهات سياسية..يعني ما نقولش للناس حل..بس نفهمهم قوانين..دي حاجة..اما لو هدفنا ازاحة الحزب الوطني..يبقى نركز على النخبة المثقفة الي في الغالب بتمشي وراها المجاميع...فننظم مثلا مجموعة من اللقاءات الفردية والجماعية مع المجاميع النشطة..زي اعضاء رسالة والنور والأمل والجمعيات المدنية بكافة اتجاهاتها..الشباب الي هناك دول كل يوم بينزلو من بيوتهم عشان فكرة..فبتغيير الفكر كبرنا قاعدة العمل وبالتالي كترنا الأمخاخ الي هتفكر...ثالثا..مهم قوي الإتصال بالشرفاء في الأمة زي القضاة ورؤساء تحرير الصحف بحيث ان دورهم يتفعل اكتر من كدة...عموما دي مجرد خطوط عريضة..ياريت تحدد مكان على النت نتقابل فية وزمان ...و نحط كل الأفكار دي محل مناقشة....شكرا جدا على المبادرة

ibn nasser - ابن ناصر said...

فكره حلوه ,,معك يا صديقي
تحياتي

ibn nasser - ابن ناصر said...

وانا مستعد لأي عمل جاد لو كان مثلا زي ما قالت اماني نروح حتت فقيره ونلقي الضوء علها او زي ما قالت هلوسه مصريه او فكرة ايمان فكره جبااره بس عبازه جديه من كل المدونين اعتقد يجب تواجد الجديه اكافيه وعرضها علي كبار المدونين ونعمل حكاية الؤسسه او الحز ب الصغير وعلي فكره اي حاجه ايجابيه انا موجود ومستعد للمشاركه بالمال والجهد والفكر
تحياتي

7ntklm said...

الزميل قائد

هنوصلهم بتأكيد من خلال تفاعلنا معاهم بشكل مباشر , معظم المتواجدين على المدونات اعتمدة على التوعية من خلال النت والبلوج لكن بطبع فى توعية بتم بس محدودة

لكن فى ناس كتير متعرفش عن النت دا شىء وكيفية استخدامة دا غير ان فى مستخدمين بالفعل على الانترنت ومفيش اى ادراك ليهم بعالم المدونات .

والاقتراحات التوجه به الزملاء انا مش ملاحظ فيه صعوبة واى انسان يقوم به لو تواجد بداخله روح التقرب من الناس ووقت بنسبالك لو هنعتبره يوم فى الاسبوع من اجازة شغلك تقوم به بالواجب دا ومسعدتهم والطرق كتير .

وطمنك برضه هنتناقش وإن شاء الله مش هتحس ان الواجب كبير عليك

=============================

الزميلة هلوسة مصرية

انا مستعد انضم للجمعية البتقومى بنشاطك فيه

زى ما انتى اتفضلتى وقترحتى علينا بـ افكار كلها خير تـنـمـى من تانى روح المحبة ما بين الناس

ربنا يوفقك انتى وكل الناس الفى قلوبهم خير


===========================

الزميلة سكوت هنصوت

ما شاء الله عليكى

انتى وضعتى نشاط كامل مضمونة اقتراحت وخطة النشاط والتعاون وكمان دمجتى ما بين محو الامية و الانتماء السياسى والاتنين دول بنعانى منهم بسبب قلة الوعى ما بين الناس واكيد هنحاول

بنسبة لـ ازاحة الحزب الوطنى دا بيعتمد على قوة وتجماعات كتير من ضمنهم زى ما ذكرتى كتلة المثقافين و إن شاء الله يتواجد ما بنا وبنهم اتصالات بحيث يكبر النشاط ما بينا ونستفيد منهم

بنسبة لوقت النقاش ما بنا هيتحدد قريب

بس يكون فرصة للشباب يقترح ويشارك

==================================

صديقى ابن ناصر زميل يوم الاعتصام

انا سعيد والله بوجودك معايا للمرة التانية فى واجب مفروض علينا

هقولك على حاجة يا احمد كبار المدونين مش هنقدر نستغنى عنهم لان اكيد بتعاونهم هيكملونا

تحياتى يا جميل :k

سكوت هنصوت said...

حنتكلم...انا بقترح انك تلخص مجموعة الإقتراحات دي في شكل نقط..و نعمل دعوة عامة على كل المدونات المزدحمة بالمدونين زي نوارة و جيمي هود وغيرة..المهم ان الدعوة بتاعتك تتفعل..عشان يبقى ليها لازمة..ومهم كمان اننا نتفق على ان العمل العام لازم يكون فيه تعاون...يعني كل الشباب الرائع الي هنا الي ممتلئ حماس ونشاط...يشارك بفعالية..والنتيجة الي نوصلها..الكل يدعمها بصرف النظر كانت من اقتراحه ولا لأ...في الحقيقة ان دي اولى خطواط الديموقراطيه..حيث ان المهم هو حكم الأغلبية مش مجرد تصويتهم..اتمنى اننا نتكلم اكتر في الموضوع ده..واشكرك بشده على كل مجهوداتك...على فكرة انا كمان ليا نشاط في جمعية اهلية..هي جمعية رسالة..لو حابين ممكن ابقة احكيلكم على نشاطها بشكل اوسع في بوست خاص على البلوج بتاعي...المهم اننا نتفق على خطواط...

سكوت هنصوت said...

انا يوم الجمعة هكون خارج القاهرة...مش هقدر ادخل على النتورك..لو ينفع نخلى اللقاء بعد الساعة عشرة بالليل يبقى خير لو ماكانش..اذا من المستحيل نظريا اننا نلم كل الناس في معاد محدد..يبقى ادلو بالأصوات و نشوف هترسي على ايه..وانا معاكو في كل الي هتتفقوا عليه انشاء الله...

7ntklm said...

وبرضه ابن ناصر هيكون خارج القاهرة بس هيقدر يدخل على الانترنت .

عمتاً ياشباب ايه رايكم فى ميعاد سكوت هنصور ؟؟

لو بعد الساعة 10

او اليحب يبعتلى المعاد المناسب ليه على الاميل مفيش مانع واحنا نحاول ننسق المعاد ما بينا

انا مش هيفرق معايا اى كان المعاد
لان بكون اجازة من شغلى الجمعة والسبت

ibn nasser - ابن ناصر said...

انا شغال معايا اي ميعاد بس تقوللي قبلها وتأكد عليهم ماتنساش
تحياتي

Iman said...

رجاء يا بشر
قلولى امتى عشان انا تهت منكم امتى والساعه كام

ibn nasser - ابن ناصر said...

يا جماعه مش كل الناس عندها ياهو مسنجر علي فكره
بس انا شغال معايا كل حاجه
تحياتي

أمــانــى said...

انا عندى الياهو ميت اهئ اهئ اهئ شو العمل وحاولت انزله منشف دماغه مش عايز مينفعش الهوتميل
وبرضو على العموم ححاول برضو انزله ان شاء الله بس لو نشف دماغه يبقى اعذرونى
تحياتى

7ntklm said...

خلاص يا شباب
خلينا على الهوت ميل

اعملولى ادد
tamer20011@hotmail.com

Anonymous said...
This comment has been removed by a blog administrator.
تــحـوتــمـــــس Thutmose said...

طالما أنكم تنادون وتحلمون بالحرية وسحق اﻷفكار الديكتاتورية واﻷسليب البوليسية الرجعية
أرجو أن يتفهم كل فرد فينا بأنه
إنسان بشرى له حقوق و واجبات
.........
لو على كده , على الارضية دي . فطبعا انا معاك جدا جدا جدا

على شرط

تكون انت كمان معايا و مترفضنيش

فاهمني


تحياتي

سكوت هنصوت said...

اشكركم يا جماعة على مراعات ظروفي...عموما انا لغيت معاد سفري عشان الإجتماع...لكن عشان نوقف اللخبطة..من رايي اننا نخلى المعاد يوم الجمعة الساعة 9 مساء...كمان بقترح اننا نتقابل على البال توك بدل اي مسنجر..ده اصعب في التراكينج...لو مناسب ... حاولو تنزلو البرنامج قبل المعاد..طبعا حنتكلم هو المنظم الأول لذلك عايزين بوست يقول المعاد النهائي...والنظام...شكرا..

7ntklm said...

تحوتمس Thutmose

مفيش مانع من تواجدك معانا , بس للعلم المناقشة ما بينا غير مسموح به بالحديث عن المعتقادات والاديان , لو هتقدر حضرتك

اتفضل معانا

Anonymous said...

فكره جميله اوي انا معاكم تحياتي ليك

Ahmed Elmasry said...

iam with you isa
http://bahbmasr.blogspot.com/

تــحـوتــمـــــس Thutmose said...

يعني هوا انا مكتوب على قورتي كافر و عاوز اكفر الناس

اه اقدر يا حنتكلم و اقدر ببساطة كمان

و انا لما قولتلك اقبلني مكانش قصدي على دين اطلاقا طبعا

تحياتي