7/5/07

فتوى عاجلة

مظاهرة وقطع الطريق في طريق ساحلي بمصر بين بورسعيد ورأس البر
وانحشر المسافرون والذين شاء حظهم التعس أن يكونوا في طريقهم بهذا الطريق الساحلي الوحيد
أن يتجمدوا في مركباتهم وسياراتهم مدة 11 ساعة بما لديهم من مسنين وأطفال ونساء
وسمعت أن سبب هذا الفعل التعسفي بحق المواطنون بدون ذنب
اقترفوه أن يعاقبوا المسؤلون بالدولة بسبب انقطاع الماء عن مدينتهم الى ( تقريبا خطف حرية من يمر بهذا الطريق ) وسمعت على الفضائية المصرية
مداخلة من الفنان المشهور محمد ثروت والذي كان محشورا مع باقي المخطفين يناشد الحكومة والأهالي
أن يفرجوا عنهم للحالة المزرية التي وصلوا بها حتى قال أن زوجته أصيبت باعياء وأنهم لم يقضوا حاجتهم
ولم يتناولوا أي شيء طيلة هذه المدة الزمنية
ثم فجأة لجأ الاعلام المصري ( صاحب الريادة والخيابة )
الى مفتي الديار المصرية
الى اصدار فتوى عاجلة
بأن ما يقوم به هؤلاء الرعاع بحجز حريات المسافرون عنوة واغتصابا هو حرام شرعا
هل ستسير أمور حياتنا من الآن فصاعدا بناء على الفتاوي ؟؟؟؟
وهل سيلغى شيء اسمه قانون ؟؟؟؟
ومن المسؤل عن هذه الفوضى والحالة المزرية التي وصلنا اليها .....؟؟؟
والى أين نحن نسير .....................؟؟؟؟؟؟

12 Comments:

خليك فى البيت said...

ندعوكم لزيارة مدونة خليك فى البيت والمشاركة فى الحملة

amr_hockey said...

انا صعبان عليا الناس اللي كانت في العربيات ياعيني دول بين فكي الرحى بين فك الحكومة ومقالبها وفك الناس الغلابة اللي اتقطعت عليهم المية بالنسبة للمفتى هو عنده حق طبعا لأن مش كل واحد الحكومة تخنقوا شوية يروح يعطل مصالح على الناس على كده ولو مشينا بالمنطق ده نص الشعب المخنوق يولع في النص التاني ، كان فيه كذا طريقة غير اللي حصل ده لأعلان الاحتجاج .

عازف الناى said...

حلوه صاحب الخيابه مفتى الديار الراجل هيلاقيها منك ولا منى
اصل البوست بتاعى كان عن المفتى برضه
اما احتجاز الناس بهذه الطريقه
هو عقاب من المطحونين للمطحونين
الفاعل والمفعول به كلاهما مقهوران
فلا يجب ان ندافع عن الظلم بالظلم

mo'men mohamed said...

دى بقى اللى المفروض نسيميها فتوى تيكاوى
فتوى على الماشى من خايب الرجا
السلام عليكم

7ntklm said...

خليك فى البيت
اشكرك على الدعوة

amr_hockey
وهو المفتى المسئول عن هذا الحدث

من المعقول ان يتم الاتصال بـ احد من المسئولين لوضع حد لنقطاع المياة او يفرض حلول لهذه المشكلة او ... او ....

لكن اظاهر المسئولين مش فاضين والمفتى تحت الانتظار دائماً

7ntklm said...

العزيز عازف الناى
يا لعارنا ...حينما تصبح الفتاوي هي المحرك لأمور حياتنا !!!

7ntklm said...

mo'men mohamed
وعليكم السلام

الناس رضخوا للقهر و قبلوه سنة الحياة فلا يقدر هو أن يفعل لهم شيئا( الا الفتوى ) إلى أن ينهضوا و يقولوا للشيء كن فيكون

نقطة مية said...

ازيك يا تامر...يارب بخير دائما...

من اول الكلام عشان ابقى واضحة..انا مش برتاح للمفتي بتاعنا ولا افتاءاته...

بحجز حريات المسافرون عنوة واغتصابا هو حرام شرعا..و هو مش حرام ان الناس دي تتحجز حرياتها و حقوقها في الحصول على مية نظيفة..هو مش حرام و يحاسب عليهم راعي الوطن..عمربن الخطاب رضي الله عنه كان يخشى ان يسأل عن دابة تعثرت و احنا لا نخشى ان نسأل عن حشد من البشر بيحفروا الارض عشان يلاقوا مية في 2007...على رأي ابراهيم عيسى.."يابخت دابة عمر"

حسبي الله ونعم الوكيل

صاحب البوابــة said...

بجد مش عارف يا تامر

لكن على قد فرحي ان الناس اتحركت

على قد ما انا زعلان على حالة الفوضى دى

تحياتي

gawafaa said...

مش جديده حرقه الدم كل يوم علي معاملتنا حتي اقل من الحيوانات
وايه اللي يدخل الفتوي في موضوع زي دا اصلا مش فاهمه
تحياتي

قومى الى الابد said...

انتى مستغربة ليه انهم يلجأوا للمفتى انتى ناسية ان احنا بقينا فى زمن فتوة تحت الطلب الله يخليه ليثنا عادل امام بقى ههههههههههه

تامر حسين said...

فتوه ايه
الي خلاه يقول ان السينما حلال لانها بتقوم بعمل افلام هادفه
مش هيقول ان دي مش عارف ايه
فتوه باللحمه والرز
ربنا يلطف بينا
ويبعد عنا ولاد الحرام