5/6/07

الدواء فيه «سعر» قاتل.. وعلي المتضرر الاتصال بالحانوتية

عن جريدة المصري اليوم جاء هذا الخبر الهام
اعتادت شركات الأدوية الموجودة بمصر رفع أسعار الأدوية المختلفة بها كل عام، ولهذا السبب كان المريض المصري المسكين المغلوب علي أمره يحاول جاهداً التغلب علي كل العقبات التي تواجهه، بسبب ارتفاع الأسعار، ليحصل علي القليل من الدواء الذي يعينه علي التقاط أنفاسه، ليبقي علي قيد الحياة. ولكن ما حدث هذا العام ٢٠٠٧ فاق كل التوقعات ووضع المريض المصري في مأزق لا يمكنه الفكاك منه إلا بالموت، فهل قررت شركات الأدوية التخلص من جميع المرضي المصريين جملة واحدة في هذا العام؟إن اتفاق أكثر من عشرين شركة أدوية علي رفع أسعار ٩٣ نوعاً من الأدوية يعد سابقة خطيرة، لم تحدث من قبل، وليس للمريض القدرة علي تحمل عواقبها.. فهل له من مجير؟إذا كانت (شركة مصر للأدوية) وحدها قد قامت برفع أسعار سبعة عشر نوعاً من الدواء، بنسبة زيادة قدرها ١٠٦% للدواء المسمي (ديسفلاتيل) فقد ارتفع سعره من أربعة جنيهات إلي ٢٥،٨ جنيه.إذا كان هذا هو حال شركة مصر فإن (شركة إسكندرية للأدوية) التي تحتل المركز الثاني في عدد الأصناف، التي تم رفع أسعارها قد قامت برفع سعر الدواء المسمي (أوكيوكاربين ٣% - نقط) من ١٣٠ قرشاً إلي ٦٥٠ قرشاً بنسبة زيادة قدرها ٥٠٠%.وعلي النهج نفسه سارت (شركة ممفيس للأدوية) التي تحتل المركز الثالث في عدد الأصناف، التي تم رفع أسعارها فالدواء المسمي (ممكوستين
- نقط) زاد ثمنه من ٧٠ قرشاً إلي ٢٥٠ قرشاً بنسبة زيادة قدرها ٣٥٧%.
انتهى المقال تعليقى وسؤالى هو
العجيب والغريب في هذا الموضوع هو أن شركات الأدوية لا تملك ولا تستطيع الإعلان، أو القيام بزيادة سعر نوع واحد من هذه الأدوية إلا بعد موافقة السيد وزير الصحة عليها،
فهل اتقدم وتشرف وتمخطر أحد من نواب الشعب لمجلس الشعب بطلب استجواب لوزير الصحة في هذا الموضوع؟

8 Comments:

Anonymous said...

مين قال دول بس اللى زادوا اعلب الاصناغ شغالة زيادات دورية سواء كانت علانية او مستترة ( بيسحبوا نوعيات وينزلوها باسماء تانية وبسعر اعلى بكتير مع الاقلال من المواد الفعالة) دى سياسة منظمة من سنين ماشية عليها مافيا الدواء فى مصر اما عن المريض فده معاه ربنا المهم المكاسب والالوف والملايين ولا عزاء للشعب ويجعله عامر (وش بيغمز)

قنديل said...

أشوف إبن بلدي ويملاني العجب
في الجيش انطلب
أدي ما وجب
والكبير سرقه ونهب
وباعوله السم في علب
وصبر واحتسب
وفي الآخر إنذل وإنضرب
آآآه يا قلبي

أمــانــى said...

السلام عليكم
شكلها مصر كلها بقيت جامعات خاصة لانها هى اللى كانت عندها الزيادة السنوية
شئ فظيع حتى الدوا يعنى ولا اكل ولا شرب ولا علاج ولا دوا يبقى فاضل ايه نسيب مصر خااااااااالص ولا ايه الحكاية
؟؟؟؟؟

Monzer said...

تحياتى ليك
بس ايه حكاية مدونة جمهورية ايمان
انا دخلت على واحدة مصرية
ولقيت البوست الى بيكلم عن الموضوع ده
ايمان ماعملتش حاجة تستاهل عليها كده أصلا، واحنا كمان ناقصين القذافى بعد مبارك
مش كفاية علينا واحد
وكمان انا علقت ع الموضوع ده، وكتير علقوا، وأكيد حضرتك علقت، هما هاييجى الى برا ويحاسبونا كمان
معلش انا باكلم بره الموضوع، بس مش عارف فيه ايه مستنى منك رد، ولو بتشوفها قلها انى باسلم عليها جدا
آسف على الإطالة وخروجى بره الموضوع تحياتى ليك

Anonymous said...

شعب يستحق ما هو فيه

اشربوا وسيبونا نشرب معاكم احنا واحفادكم ده لو هتشفوهم اساسا

اشربوا الزل وحلو بالمراره

اصبحنا شعب بلا كرامه بلا ضمير

ساكتين ونطاطى

واقسم بالله لو كل واحد غير على قد ما يقدر البلد هتنضف

ياتامر انا كل ما ادخل عندك بيجيلى الضغط امال لو كنت موجودة معاكم فى مصر كان ايه جرالى

Ahmed Elmasry said...

السلام عليكم حكاية مدونة أيمان كما نشرت بالتفاصيل عندي في السابق وعند واحدة مصرية لكن لرغبة صاحبة المدونة أنا قمت بحزف الموضوع أما عن أيمان فهي بخير الأن و مشغولة بعملها الجديد و قريبا ستكون معانا أنشاء الله و أحنا أنشاء الله حنحدد معاد علي النت نقول كل حاجة و أن شاء الله تكون أيمان معانا وشكرا لتجاوبكم معنا و حرصكم
و يمكنكم الأن الأنضمام للحركة الخاصة بنا أبناء مصر و نحن نحاول تأسيسها لنبدأ العمل و النزول للجمهور
http://abna2masr.blogspot.com
و الموضوع الذي مسحتة موجود بالنص علي
http://3eeb3aleek.blogspot.com/2007/04/blog-post_3196.html
وشكرا السلام عليكم

Anonymous said...

ان فى مصر ما فيا للادويه والحل يا اخى العزيز بالرجوع الى سنه نبينا محمد صلى الله عليه وسلم
الغرب الان اتجه وبقوه الى الطب البديلونحن هنا من نحاربه اصبحنا تابعين فى كل شىء
الحجامه علاج مهم جدا وسهل جدا وهويستخدم للعلاج والوقايه فى نفس الوقت وليس له اى اضرار جانبيه
تقدر تقولى ما هو الفرق بين الصيدلى والبقال

7ntklm said...

hapasa

اسعدنى وجودك ,

احمد المصرى جاوب على الاسئلة وقام بالواجب

ـــــــــــــــــــــــــــــــ

عمر الشرقاوى

الطب البديل فى بعض الاحيان من الممكن ان يكون مكمل وليس بديل
يا عزيزى
بنسبة لموضوع الحجامة لزم تعرف برضه ان الحجامة لا يمكن استخدمها للاصحاب السيولة فى الدم او ارتفاع الضغط وغيره بمعنى ليست علاج كامل يلجأ اليه فى اى وقت

الفرق بقا ما بين الصيدلى والبقال ههههههههههه

زى الفرق ما بين الدكتور والجزار