حزب جديد دخل الحياة السياسية المصرية نهاية الاسبوع الماضى بعدما وافقت لجنة شئون الأحزاب
على الطلب المتقدم
من كل من الدكتور أسامة الغزالى حرب ( المنشق عن الحزب الوطنى ) والدكتور يحيى الجمل ( الفقيه الدستورى ) بتأسيس حزب الجبهة الديمقراطية
لجنة شئون الاحزاب التى اشتهرت برفض الأحزاب الجادة والمؤثرة
أثارات الكثير من الأسئلة بتفكيرى
هل ما حدث انفتاح من قبل اللجنة بعد الانتقادات الطويلة التى وجهت لها ؟
ام أن النظام لا يعتقد أن حزب الجبهة الديمقراطية سيكون مؤثراً بما يكفى ؟
10 Comments:
حنتكلم
كيفك؟
ليك وحشة ياراجل بجد
بالنسبة للحزب هو انتصار بكل الاشكال
بس فعلا سؤال الاخير فى محله
بس ده بقى اعتقد دور الحزب فى اثبات ذاته على الساحة
ومرشحين اقويا فى الانتخابات
الا صحيح هو مقره فين؟؟
وشكرا كتير على انك جيت مضيت حضور عندى
هههههههههههه
تحياتى
بتاعة
تمام بخير
وانتى اكتر
انا معاكى ان انتصار للحزب على الساحة لكن اتمنى تحقيق النشاط والعمل الواقعى بشكل ملحوظ وملموس كما صرح اسامة الغزالى ان برنامج الحزب مختلف ومتميز مقارنة بالأحزاب الأخرى
بنسبة للعنوان المقر
١٥ عمارات العبور – الدور التاسع – طريق صلاح سالم – مدينة نصر
تليفون: 2622470 - 2600892
فاكس: 2600892
البريد الالكترونى: info@democraticfront.org
سيت الحزب
http://www.democraticfront.org
اها مضيت حضور علشان متشليش ظلم كفاية عليكى النتى شايلة ربنا يقدرك عليه :d
Rodrigo said...
يا حبيبى الطيارة حدفتك غلط عندى هنا
مش عارفة انا ليه جالى احباط لما عرفت مؤسسى الحزب منشق عن الحزب الوطنى
الله اعلم هل هو انفتاح من اللجنة والا لاء لانى اشك فى عقليات رفضت الكثير من الاحزاب واميل الى الاعتقاد التانى انو لن سكون مؤثر ,,, لم تتضح الرؤية او لعلى كعادتى متشائمة
السلام عليكم
صديقى العزيز
معلش أنا مش متفائل يعنى أيه حزب لسه بيفكروا فيه بقالوا سنة بس وحزب تانى بقاله 10 سنين ولسه ماخدش التصريح
وتصريح على ايه لامؤاخذه رئيس اللجنة هو الأمين الحزن الوثنى اللا ديموقراطى
ممكن تكون خطوة على الطريق على مؤسسى الحزب أن يتفاعلوا مع الناس ويعلنوا مواقفهم بصراحة
وربنا الموفق
لا اظن انا هناك تحسناً ما سيتم
تحياتي
أخيرااااا...والله يا تامر تنوية تشكر عليه...أنا شخصيا (على عكس عبقرينو) متفاءلة جدا بالحزب ده...و متفاءلة اكتر ان رئيسة اسامة الغزالي حرب...بالرغم من ماضية كحزب وطني..فيكفيه شرفا..ان رفض الإنضمام لحزب لا يؤمن بنزاهته...ثم ان في الاخر....المهم اننا نلحق نفعلة..قبل ما يتحول لحزب تجمع ولا كرامة تاني...تحياتي
موافقة الحكومة لاتعتبر انتصار كبير للحياة الحزبية في مصر
صحيح الدكتور اسامة الغزالي حرب رجل له وزنه في الحياة السياسية وكذلك الدكتور يحي الجمل
ولكن اعتقد ان الحكومة وافقت على اعلان الحزب لانها تعلم انه لن يكون معارضا شرسا بل سيكون معارضا مستأنسا أو معارضا بلا اظافر
يعني هي محاولة من لجنة شؤون الاحزاب لتجميل وجه النظام وتصويره بأنه يوافق على قيام احزاب حتى يظن الناس ان الاحزاب التي لم تأخذ موافقة العيب فيها وليس في لجنة شؤون الاحزاب.
يعني العملية من دقنه وافتل له كما يقولون
لو كانوا يعرفون ان الحزب معارض شرس كالكرامة او الوسط لما وافقوا له اصلا
تحياتي
Post a Comment