الـــتــاج

أيها الأخوة المواطنون زوار هذا البلوج اللعين

في تلك اللحظات التاريخية الهامة وفي ذلك المنعطف الخطير من تاريخ أمتنا المجيدة لا أعلم كيف تسللت فكرة التااج إلي وعي ولكن يرجح الزملاء انه تم تمرير التاج

من قبل الزملاء الافاضل سـكـوت هــنـصـوت , والـبــتـاع
واشارة الى مطلق مسمى البتاع فـ انا لا ادرى ما هو البتاع المقصود بتحديد ولكن اشاره لصاحبة المسمى اوضحت ان المسمى المستخدم من ضمن البتاعات المشوبا بالغموض التى تحيط من بيننا وعلي المتضرر أن يلجأ للقضاء
ادخل يا ممل فى الاسئلة ونجز
حاضر

أحب شخص لقلبك فى الدنيا؟
كان فى كتير بس طفشوو من البلد
---------------------------
انسان مستعد تضحي بحياتك - ركز فى كلمة حياتك - عشانه؟
اى انسان بيسعى للتغيراو لعمل خير
-------------------------------
انسان كرهته لدرجة الجنون و تمنيت لو تمسك سكينة وتنقض عليه وتغرزها فى قلبه تقتله وتقف تبص لجثته وتشفي غليل قلبك؟
يااااااااه مش كدا خالص
اولاً انا مش ميولى العنف للدرجدى مهما كرهت يعنى
هحكلكم عن موقف وهنبدا الرغى مهو ( حنتكلم ) دى مجتش من شوية
كنت أنا مسافر الغردقة وواحد صاحبي أتصل بيه بيقولي عايز كتب عن الكمبيوتر وعايزني أشتريهاله من المكتبة اللي جنب سينما طيبة وأنا كنت عامل حسابي اسافر الفجر وبسبب هذا الموضوع إضطريت أستني لما المكتبة تفتح علشان أشتريله الكتب المهم المكتبة فتحت ورحت داخل جايب الكتب وواقف أدفع فلوسها عند الكاشير ولقيتلك ولية خمسينية داخلة زي الصاروخ المكتبة وبتكلم الراجل بتقوله لو سمحت عندك كتاب ( الاستاذ زفت) الأخيرعرب نعم ومش عارف إيه أيضا وبتسأل عليه بلهفة زي مايكون إبنها بيموت والدكتور قايلها مالوش علاج إلا الهباب ده وبصراحة أنا رحت ضاحك ودي لقيتها بتبصلي بمنتهي القرف وبتقولي ماهو واحد جاهل زيك ميعرفش مين هو الأستاذ زفت لازم يضحك وأنا الدم غلي في عروقي ورحت مدورلها وقايلها أولا أنتي مرة قليلة الأدب لأني أنا واقف بدفع الفلوس ولو كان عندك دم كنتي إستنيتي لغاية لما أخلص وبعدين كنتي سألتي زي ما أنتي عايزة لكن أنا مش متوقع من واحدة بتقري لــ.......... إنها تكون أنضف من كده ودي راحت فاتحة حلقها وأنت متعرفش أنا أبقي مين وأنا أستاذة البتنجان الأزرق بجامعة سيد كفتة وجوزي مش عارف يبقي مين والله لأحبسك وأخرب بيتك وأنا بدأت أضحك علي منظرها ورحت قايلها روحي ياولية أعمليلك حلة محشي بدل الهباب اللي بتعمليه علي الصبح ده ودي أتجننت وبدأت تشتم والراجل الكاشير بدأ يخلص بينا ورحت محاسب علي الكتب وواخد بعضي وماشي وأنا بسب لل.....زفت اللي عمل فيها مهم وبقي ليه كتب ومعجبين
-------------------------------------------
ما هو:اسم أجمل كتاب كتبه بشر قرأته ومحتفظ به حتى الان؟
كتابات ميشيل فوكو حفريات المعرفة , الكلمات والاشياء , تاريخ الجنون جورج باتيل
--------------------------------
اسم كتاب -كتبه بشر برضة- انت متعلق بيه وبتقرأه كل فترة؟
صعب جداً احدد لان كل الموجود عندى احياناً بقرا تانى وتالت ورابع
--------------------------------
اهم جهاز منزلى انت متعلق بيه او بتستخدمه كتير؟
الكمبيوتر
-----------------------------
مكان تحس بالراحة عندما تدخله؟
كورنيش جبل المقطم بليل بسس
--------------------------------
شىء تحس بالراحة النفسية عندما تنظر اليه؟
بحر اسكندرية بليل وكورنيش المقطم بليل
------------------------------
مكان تحس فيه بالحنين الى شىء لا تدرى ماهو و ذكريات جارفة الى لاشىء؟
الصوت والضوء بالاهرامات بيفكرنى كتير بـ ايام الثانوية العامة لان كنت معتاد اللجوء هناك انا واصحابى للركوب الخيل برضه بليل بس والله انا مش كائن ليلى
---------------------------
اجمل مدينة زرتها داخل مصر ؟
اسكندرية - الغردقة - دهب
-----------------------
أجمل مكان طبيعي رأيته داخل مصر ؟
المقطم وبرضه بليل ها بقا
------------------------
شخصية كارتونية بتحبها؟
ميكى
و ترجع بداية تعرفي علي ميكي إلي بدايات تعلمي للقراءة والكتابة فى سن السادسة وكنت احكى للاصدقاء الطفولة بصفة يومية علي أخر المستجدات ومن ضمنها الصراع الدائر بين ميكي ممثلا لقوي الخير ودنجل زعيم عصابة القناع الأسود ممثلا لمحور الشر مما أكسبني مكانة خاصة في قلوبهم وبداية تفجر موهبتي كstory teller
فلم أكن أكتفي بمجرد ذكر وقائع الصراع ولكن كنت أضيف من عندياتي العديد من المؤثرات الصوتية وأزيد من الحبكة الدرامية للأحداث مع تحليل نفسي متواضع لكل شخصية فقد كنت دائما أرفض التحليل السطحي لشخصية دنجل علي إنه شرير بالفطرة كما حاولت ماكينة الدعاية الأمريكية تصويره ولكن كنت أحاول الوصول لتفسير علمي لغباوتو والتي تجعله يقبض عليه كل أسبوع وفشله الدائم في إرتكاب الجريمة الكاملة وأستمرت العلاقة بميكي علي هذا المنوال
-------------------------
نوع هاتفك المحمول؟
نوكيا
----------------------------
سرعة بروسيسور جهازك؟
2.8 GHZ
------------------------
حجم ذاكرة -هارد- جهازك؟
80
---------------------------
المساحة التى تشغلها المواد الاسلامية على جهازك؟
مفيشش يا جماححة
-----------------------------
أهم هدف انت واضعه لحياتك الآن؟
النجاح فى شغلى وتنظيم وقتى ما بين الشغل واى عمل خير اتطوع فى
------------------------------
مواصفات فتاة الأحلام بالنسبة لك؟
متواضعا - متحضرة- مثقفة - طموحا- متفاهمة
----------------------------
صف ما يأتى:شعورك لما بتسمع كلمة مصر ؟
المسخ السياسى
----------------------
شعورك لما بتسمع كلام عن اليهود؟
النجاح فى استقطاب عطف الدول الاوربية, وغرز منتجاتهم فى السوق العربية , وعتبارها ولاية من ولايات امريكا
-----------------------
شعورك لما بتشوف ظابط شرطة؟
بيكون نفسى افتح معه حوار عن جرائم التعذيب ومن خلال حوارى اكتشف مدى ابعاد ضميرة تجاه الشعب ومصر
-------------------------
شعورك لما بتشوف الكناس العجوز فى الطريق؟
مش هقدر اعلق اعفونى من السؤال
--------------------------
افكارك تجاه شاب ماشى فى الطريق يلبس جلابية بيضاء قصيرة وعمامة وله لحية وبجيبه السواك وبيده المصحف؟
مدى معرفتة عن اصول اليسر فى الاسلام
وبعدين انا ليا مواق فمع شخصيات شبه للسؤال دا
-----------------------------
احساس يراودك فى اشارة مرور مغلقة بسبب مسئول كبير؟
مش قولتلكم مسخ سياسى اكيد هسب ولعن
----------------------------------
امرر التاج لـــ

بحب مصر احمد المصرى

شعر فى حب مصر محمد يسارى

بنت فلسطين