مما لا شك فيه إن جرايدنا القومية بقيادة
الاهرام
الاهرام
الأخبار
الجمهورية
اللي كبيرهم يتلف فيهم طعمية مزيته.. بيتبعوا سياسة " هشك عليه " يعني الدول أو الأشخاص اللي مالهمش في النظام وبيعارضوا أو ينتقدوا النظام .. فبيفكوا الحبل ويسيبوا الجرايد دي عليهم تلقح بقى كلام .. تطلع إشاعات .. المهم تطلع فيهم القطط الفطسه والسلام ولإن محمد حسنين هيكل من ساعة الإنتخابات الرئاسية الهزلية إبتدى ينتقد نظام مبارك بطريقة مباشرة ..فما فيش مانع من وقت للتاني نلقح كلام عليه وعلى عيلته
خدوا الحته دي في الجمهورية النهاردة
خدوا الحته دي في الجمهورية النهاردة
إقتباس
700 مليون دولار أرباح ابن هيكل في بيع المصرية للأسمدة كتب هاني صالح :حقق كونسرتيوم شركة سيتادل كابيتال والتي يديرها المستثمر المصري أحمد هيكل ابن الكاتب الصحفي محمد حسنين هيكل ارباحا تقترب من 700 مليون دولار في صفقة اعادة بيع 100% من أسهم الشركة المصرية للأسمدة الي شركة أبراج كابيتال الاماراتية.. دفعت الشركة الاماراتية 4.1 مليار دولار للاستحواذ علي الصفقة والتي سبق لكونسرتيوم مصري خليجي شراؤها منذ عامين بمبلغ 700 مليون دولار ل 100% من الأسهم.. أكدت المصادر أن شركة صافولا السعودية للمنتجات الغذائية هي اكبر مساهم في شركة أبراج كابيتال الاماراتية.. سجل سعر السهم في الصفقة الجديدة 41.4 دولار للسهم ل 320 مليون سهم.. بدأت مفاوضات بيع المصرية للأسمدة في ابريل الماضي.. وعلمت الجمهورية أن الشركة الاماراتية عهدت الي المهندس عادل الموزي برئاسة مجلس الإدارة حتي تشكيل مجلس الإدارة الجديد.
شركة إستثمارية شاطرة بتبيع نفسها وإنتوا مالكو ؟مش تشوفوا نفسكو الأول اللي نازلين بيع في ممتلكات الدولة بتراب الفلوس بمناسبة البيع والأوكازيونات الصيفية المصرية شميتوا ريحة صفقة بيع أراضي في ميدان التحرير - أعتقد إنها أرض المجمع وهتأكد من الكلام ده - لشركة فرنسية بسعر المتر 10 ألاف جنيه ؟ يا بلاش مع إن الحد الادنى لسعر المتر هناك هو 60 ألف جنيه وهنيالك يا فاعل الخير والثواب
بالمناسبة تقدر الأهرام وإخوتها الأشرار يقولوا شيء عن إبن مبارك أو إبن عاطف صدقي او أبناء أسيادنا وتوج راسنا أعضاء الأسرة الحاكمة المصرية ؟
14 Comments:
واحد حر في ميدانة...انتو زعلانين لية...شعب سخيف قوي...حاشر مناخيرة في كل صغيرة وكبيرة...كانت ارضك يا كابتن..
و بعدين تعالى هنا...انت ازاي عايز حد يبقى معاه فلوس في البلد غير صحاب الريس وابنة...انت عايز البلد فوضى ولا ايه...
انت بنفسك قلتها
الاهرام واخواتها جرايد حكومية صرفة كل مايهمها هو التشهير بأعداء الحكومة وكل من يفتح فمه في معارضة النظام وموضوع الممثل المحترم عبد العزيز مخيون خير شاهد على حملة التشهير القذرة التي قامت بها اكبر جريدة فضائح حاليا وهي الجمهورية ايام رئاسة تحرير سفيه رجب.
ومنذ فترة ليست بالقصيرة شن أقزام الاهرام أمثال أسامة سرايا وغيره من الاقزام حملة على الاستاذ هيكل وتطاولوا عليه.
حركاتهم مكشوفة وتشهيرهم بفلان او علان معروف ايضا فلا يصدقهم احد.
وطبعا معروف لماذا لايتكلمون عن صفقات ابناء المسؤولين وغيرهم من لصوص الحكومة واقاربهم .
مالكش حق
انت عايز حنفية التهليب تتقفل ولا ايه؟؟
اللى مستغربة له ان فيه ناس لسه بتقرا الاهرام والجمهورية والاخبار والجرايد الصفرا دي
وفر صحتك ياعزيزي ولا تقرأ لهذه النوعية من المحسوبين زورا على مهنة الصحافة وهم كبيرهم يشتغلوا في مسمط كوارع
نسيت اقول حاجة معلش
اولا اعترض وبشدة على كلمة قومية
فالمفروض ان يًطلق عليها حكومية لانها ناطقة بلسان الحكومة ومبررة لسياساتها ولاتمت للقومية بأي صلة
ثانيا هي ليست جرائدنا
هي جرائدهم هم ولاتعبر عنا نحن باي حال من الاحوال
sokoothansawat
ههههههههههههههههههههه
-------------------
Bella
فكرة الكتابة في مانشيت في جريدة قومية بعبارة "ابن هيكل" تنم عن أن الجليطة وانعدام الذوق واحتقار الأعراف المهنية أمور تسري في عروق الصحافة القومية وبالذات روزا والجمهورية ، وسجل الجمهورية المقرف في هذا الصدد
شرفتنى ونورنى ديماً
جدع يا تامر
وده درس لحبايبنا الصغيرين بإنهم يبعدوا عن الجرايد الحكومية وده حرصا على عدم إصابه أطفالنا بالهطل المغولي
ياأخي العزيز الا تتذكر الحملة الحقيرة التي شنتها الصحافة الصفراء وقت قضية عبد العزيز مخيون وكم الألفاظ الخارجة التي كتبتها صحافة العار المسماة زورا بالصحافة القومية
وغيرها الكثير من القضايا المشابهة
على الاقل ابن هيكل ليست اهانة لابن هيكل
ولكن الا تتذكر وصفهم لهيكل نفسه بأنه يعيش في غيبوبة غير باقي المقالات التي تناولته بطريقة اقل مايقال عنها انها قلة ادب وجليطة صحفية من شوية ادعياء لاعلاقة لهم بالأخلاق المفترض ان يتحلى بها صاحب القلم.
ولكن اذا كان صاحب القلم قلمه أجير فطبيعي جدا ان يتخلى عن الذوق والاخلاق ويدخل في وصلة ردح كما هي عادتهم رؤساء التحرير الجدد
بعد اللصوص السابقين طبعا
The more you know, the more you realize that you know nothing
الناس دى بجحه او هما مش بيبصو لنفسهم قبل ما يتكلموا؟؟
حاجه تحرق الدم
Bella
اشكرك على اضافتك وهذا ليس بغريب على ارجوزات الكتاب
وهذا مكمل لما ما ذكرتى كاركتير يحمل استهزاء وتوبيخ بهيكل
http://www.akhbarelyom.org.eg/akhbarelyom/issues/3265/images/karekater.jpg
----------------------
Anonymous
The fact that man knows right from wrong proves his intellectual superiority to the other creatures; but the fact that he can do wrong proves his moral inferiority to any creature that cannot
الحقيقة انا مقاطعة هذه الجرائد منذ فترة
وقد رايت كاريكاتير هذا المدعو عمرو فهمي الآن ولااستغرب منه هذه الوقاحة فهو معتاد على هذا الاسلوب المتدني.
وفي اشارة وقحة لقناة الجزيرة التي عرتهم اعلاميا واظهرت جهلهم وسطحيتهم بتغطياتها المتميزة ومذيعيها اللامعين.
هم اعتادوا على اعلام صفوت الشريف الذي زيف وعي الجماهير وحولهم لمجموعة من الحشاشين والجهلة وجعل الناس تفكر بنصفها الاسفل.
طبيعي جدا ان يصدر منهم هذا الهراء
جاتهم القرف
والله أنا بحس أني بتنفخ و حررتي بتعدي الأربعين لما بقراهم
الله الله الله
مين بيغلط فى سمير رجب وبوراهيم نافع؟؟
دول حبايبىىىىىى
روحى روحى كده
اخص عليك ياحنتكلم؟؟؟؟
لا بجد اخص
انت مش مع الامن الكومى لمصر؟؟
انت يعنى عاجبك الجرايد العميلة زى المصرى اليوم والدستور؟؟
دول اعداء
عاوزين اااااال ايه؟؟؟
ديموقراطية
عارف ان الكلمة دى قبيحة؟؟
اه والنعمة
كلمة ابيحة اوىىىىى
اوعى تقولها
بس الاقبح
عدالة التوزيع
اللهم احفظ ولايانا يعنى
:-)
اهلا بك فى مالطة
تعالى اذن عندنا كل يوم :-)
بتشل اولماقرا الاهرام او الاخبار
تحياتي يا تامر
الاخبار والاهرام والجمهوريه كلها جرائد فاقده معني الكلام ناطقه باسماء معينه في مصر كلها كده مفهاش الامل اللي احنا محتاجين ندور عليه ربنا يعينهم
تحياتي ليك ياتامر
Post a Comment