6/25/07

سلام مربع للسيادة والأمن والأمان

هذه عينة من أن سلام دائم وشامل ومقولة كسر حاجز الخوف مع عدو متربص هي أضغاث أحلام
والا لماذا نسمع باستمرار عن اصطياد شبكة جاسوسية اسرائيلية على مصر ؟؟؟؟
لماذا يحق لهذا الصهيوني أن يتسلح حتى الأسنان بكل أنواع الأسلحة المحرمة دوليا
ومنها النووي المرعب
وتريد التفرد التام على كل جيرانها بهذا السلاح ؟؟؟
وعن سعيها الدؤوب لتلويث الزرع بسمومها بأرض عدوتها الحقيقية مصر
كانت هناك حرب دموية طاحنة وألأكثر بشاعة بالتاريخ بين ألمانيا وفرنسا مثلا وبعد انتهاء الحكم النازي
لم نسمع عن شبكات تجسس من ألمانيا ( الغازية السابقة ) على فرنسا
هل السلام المزعوم بين ( السادات والعدو الصهيوني ) هو سلام كده وكده يعني ؟؟؟
وما ذنب الشباب الذي وقع ضحية هذا السلام المزعوم ؟؟؟
حينما يشاهد القبلات والسلامات الحارة بين الرؤساء ( المنفوخة بالخرافة الكذابة ) أن هناك سلام دائم وشامل
وهو قطعا بسذاجة أو بقلة خبرة عن دهاليز السياسة ووساختها يقع تحت هذا البريق الكاذب
لماذا يكون النظام غير واضح ومحدد وليس رماديا ضبابيا من توجهاته السياسية ؟؟؟؟
حتى لا يقع الشباب في تخبط وتوهان هل السلام المزعوم هو سلام بين أشخاص وشخوص معينة فقط ؟؟؟
وليس بين شعوب ؟؟؟
نفتح الشباك والا نقفل الشباك ؟؟؟؟
معارك الجاسوسية ما تزال مستمرة بين مصر واسرائيل

الحكومة تتكتم وتحذر .. اسرائيل تقتل طالبتين مصريتين في رفح

25 Comments:

Anonymous said...

والله ان الجسوسيه لن تنتهى لمجرد وجود اتفاقيه لان هذه طبيعه اليهود اذا خلا يهودى بمسلم الا فكر فى قتله للخيانه التى تربو عليها اهم شىء عندهم مصلحتهم وهما لو مش شايفين ان مصلحتهم مع الرئيس بتاعنا الحالى كانو فرماتوه من زمان والله ان الذى يبقى حسنى على كرسيه انهم الامريكان واليهود وسوف يثبتوا ابنه من بعده حتى تكون مصلحتهم فى السليم

7ntklm said...

عمر الشرقاوى

يارب نرتاح من هذا العبث والسخام

mesteka said...

استاذي العزيز شعب زي شعب اسرائيل دا هيعيش ويموت هو بيتجسس لانه عايش في حاله رعب صدقني
ماهم عرفوا ان اسرائيل بتتجسس علي امريكا كما رغم ان امريكا دي الاب والام والعائله الحنون علي اسرائيل
انا عن معاهده السلام بينا وبين اسرائيل فدا مينعهاش ابدااا انها تتجسس ولما تجيلها الفرصه هتتدخل مصر تاني هتدخل لا نقاش في ذلك
الموضوع جميل حقيقي اشكرك عليه
تحياتي

7ntklm said...

mesteka اهلا بيكى

هقولك كل دول العالم تتجسس على بعضها البعض وتجمع المعلومات باستمرار عن الدول الأخرى و لا يوجد دولة لاتفعل ذلك

لكن هذا شيء والتجسس لصالح اسرائيل شيء آخر

أنصح الجميع باقتناء وارتداء الأقنعة الخاصة بالروائح الكريهة

سنشتم الكثير خلال الفترة القادمة

عمرو المصري said...

الي اولئك الذين المهم صور اقتتال الاخوة الاشقاء في فلسطين


الي كل من تخيل ان الاخوة الاشقاء باعوا القضية لاعدائهم واجهزوا علي ماتبقي منها


الي كل من انجر وراء حملة التضليل الاعلامي التي ساقوها علينا

الي كل ساع الي الحقيقة

الي كل هؤلاء اهدي

التبيان في اقتتال الاخوان

تجدونه فقط

في

ارض الحرب

أمــانــى said...

اتفاقيات سـلام
تمشى علينا احنا بس

ابو العربى said...

لا سلام مع بنى صهيون ابدااا سلام مع مين مع من اغتصب ارضى مع من هتك عرضى مع من سفك دمى لايكون سلام الا سلام خرفان

ياباشا هما مش حسين بالامان ولا يمكن يحسو بالامان هما اخدين حق مش حقهم وبيحولو يحافظو عليه وهنفضل فحرب معاهم الا ان نسترد حقنا المسلوب

7ntklm said...

أمــانــى & ضد الظلم

اتفاق السلام شبه
بالفاليوم ليس الا وهو مفروض علينا مهما تعدت اسرائيل على اتفاقيا كامب ديفيد

عازف الناى said...

سيدى الفاضل اى دوله فى العالم عندها جهاز مخابرات مع اختلاف مسمياته يقوم بجمع معلومات مخابراتيه عن دول جواره او الدول المعاديه له حتى وقت السلم
ثم ان تلويث الزرع يسأل عنه وزير الزراعه الاسبق يوسف والى الذى سمح لهذه السموم دخول البلد
سيدى نحن نحتاج وقفه مع النفس كى ننظف بلدنا اولا حتى لا ينسل الينا العدو من خلف خطوطنا وبعد ذلك نستطيع رد الصاغ صاغين

7ntklm said...

عازف الناى

وجود جواسيس لاسرائيل في مصر هو من
دواعي الحب و الغرام بين الدولتين، تماما مثل الحبيب الذي يبصبص على حبيبته و يتجسس عليها.

بنسبه ليوسف والى عندما يسأل هل تتوقع اى مستجدات فى ظل هذا الفكر الجديد!

تشرفت بوجودك عزيزى عازف الناى

Anonymous said...

انت مدعو دعوه شخصيه لرحله اسكندريا مستنى ردك

a7lam 3adya said...

السلام ما هو الا حلم كبير وحلم عبيط كمان
صحيح احنا تجانبنل ويلات الحروب المباشرة بس الحروب الغير مباشرة لسه شغالة لو فى سلام بجد مكنش هيبقى اى نوع من انواع الحروب موجود

ما هما لما يبعتولنا مبيدات مسرطنة تبقى اكيد حرب يعنى هما بيموتونا واحنا فى بيوتنا بدل ما يموتونافى حرب مباشرة
ولما يبعتولنا ايدز ومخدرات فى شرم ودهب يبقوا برضه بيحاربونا

مفيش سلام مع اسرائيل يا تامر السلام الموجود دلوتى ده سلام مقنع بقناع المصالح الاقتصادية واللى اغلبها من تحت الترابيزة

موضوع حلو

7ntklm said...

a7lam 3adya

وهل اليأس هو الحل ؟؟؟
يقال لا ياس مع الحياة ولا حياة مع اليأس
حسب ما تكتب العقل هو الأمل الباقي ,,, لمصر
ثم أن من قام بهذه الحروب لم يكونوا على قدر المهمة الهامة
يعني العيب بالرؤوس الحاكمة فهي التي تقود اما الى النجاح أو الى الهاوية
كل الأمم مرت عليها هزائم مدمرة ونهضت بعدها حينما عدلت البوصلة باختيار الأشخاص الصح
استسهال الحلول المكللة بالعار ليست هي الشيء المشرف ,,, على المدى البعيد

سعدت بـ اضافاتك المكملة للموضوع

Anonymous said...

تامر بص
احنا والعرب حربنه ستة حروب مع اسرائيل كلها زادت من تدمير المدمر فينا
يعنى لزم يقتله الجنود والطلبة ويسممونا بالمخدرات وطابا تبقا بتعتهم كمان زى ما الهرم بتعهم ويشترو شباب جيلناويتقلتة ويتحكمة كمان والرجالة الكبيرة لزم تسكت وتنصاع للواقع

mo'men mohamed said...

والله أخى هذه هى السياسة اللعينى
وطالما كانت تمارس بعيدا عن حدود الله وحمه فهى ستظل هكذا دوما وكل من يحاول ان يجاريها سيغرق فيها
السلام عليكم

البتاع said...

السادات كان بيحلم بجيلنا متعايش سلميا مع اسرائيل بعاصمة تل ابيب مش القدس

بس واضح انه كان فعلا حلم بس

اسرائيل بحكم موقعها الجغرافى حقها امام العالم انها تتسلح لحماية نفسها من العدو العربى

واحنا؟؟؟

نتسلح منها بالبطاطس المتحمرة
هههههههههههه

يالا


الا صحيح هو ده الوثائقى بتاع فعنونو؟؟؟

الوثائقى بتاع موردخاى فعنونو بجد وثائقى ابن حرااااام

جامد كيك يعنى

يارب تكون شفته
:-)

تحياتى يامناضل

7ntklm said...

البتاعة
توهان الشباب بالتطبيع زادت سقوط شبكات التجسس لصالح اسرائيل
الذي أصبح جارا بالاكراه
بقدرة القوة والبلطجة العالمية ... لمصر وباقي الدول العربية

- موردخاى فعنونو فاضح برنامج اسرائيل النووى ياريت لو تعرفى للوثائقى لينك او سيت ابعتهولى على الاميل

7ntklm said...

mo'men mohamed
وعليكم السلام ورحمة الله

اشكرك على الاضافة

البتاع said...

حنتكلم باشا

الوثائقى بتاع فعنونو جه عالجزيرة وثائقى
والله قلبت عليه النت عشانك مش لقيته :-(

بس لقيت حاجات عن فعنونو ممكن ابقى ابعتلك لينكاتها :-)

7ntklm said...

البتاعة

شكراً على اهتمامك ومجهودك فى البحث

ربنا ما يحرمنا من وجودك

ibn nasser - ابن ناصر said...

لن تنتهي ابدأ حتي تعود لهم سيناء ويرونا ضعفاء بالجاسوسيه وبكل شيء فهذا اضعف الطرق والوسائل التي ممكن ان يفعلوها ولو في وسعهم لعلو شيئا اكثر
تحياتي موضوع رائع

صاحب البوابــة said...

نفتح الشباك والا نقفل الشباك ؟؟؟؟

------------

وهل ما زلت تظن يا تامر

أننا ما زلنا نملك الشباك !!!

لقد بعناه يا صديقي منذ زمن

بعييييييييييد

تحياتي اخي

سكوت هنصوت said...

هو على العموم..لو ذوق اسرائيل بقى ضايع كده من عينة الجواسيس بالصدفة..الي هم الناس الي جت تكح اتلخبطت فاتجسست...يبقى قولوا على اسرائيل يا رحمن يا رحيم..يظهر ان الهبل الي البلد عايشة فيه ضرب كل مناحي الحياة..لدرجة ان حتى الجواسيس اصبحوا هم ايضا هبل..و معاقين ذهنيا..ده الراجل مش فاهم ان قضيته كبيرة...والله فيه امل يا اخوانا..

دماغ ماك said...

howa da belzabt elly katabt 3anoh
7akmen 3aleh 3alashan byetgases le israiel we fe nafs el yom el ostaz beta3na byo7don el kalb beta3hom fe sharm el shaikh
tab e7na nefham eh ????

اللهو الخفى said...

مش كده و بس اشمعنى اسرئيل اليح ما امريكا مبهدله العرب في كل مكان و بتقتلهم و هي اللي بتدي لاسرئيل السلاح و العطار ما هو جاسوس وما قلش للمخابرات انه جاسوس هما اللي مسكوه و اخد 15 سنه و اكيد مش هيقعدهم كلهم و لا النظام بيقول يحرق ميتين اهليكم و علي ميتين اللي جابوهم و افتح بقك و انا هوريك و خط الغاز الطبيعي و الاسمنت الي داخل لاسرئيل لمدة 25 سنه بسعر ثابت من ساعة ما دخل بدون تغير سعر و سعر الغاز زاد 16%من ساعة الاتفاقيه و لا ديه ديه وجعت لا مؤخذة سيدتهم